www.radioredondela.com Hoxe é Mércores, 11 de Decembro de 2019


Sociedade • 10/12/2019

O vindeiro día 25 de xaneiro os socios da confraría están chamados ás urnas para elixir unha nova directiva, da que sairá tamén a persoa que pasará a substituír ao que fora patrón maior nos últimos anos, Clemente Bastos. Entre as persoas que aspiran a facerse con ese cargo está Seve Casal que, malia recoñecer a difícil situación económica que sofre o pósito, entende que hai solucións que non necesariamente pasan por recortar salarios ou postos de traballo. Defende buscar novas fontes de ingresos como a creación dunha "vendeduría" na lonxa de Vigo que repercuta as ventas dos traballadores de Redondela na propia confraría na vez de ir parar a mans de intermediarios.


Cultura • 10/12/2019

A actividade terá lugar o vindeiro sábado 21 de decembro e está especialmente orientada a nenos e nenas que queiran achegarse á natureza a través dun paseo de exploración que os vai levar a percorrer o paseo do Pexegueiro. O número de prazas está limitado a 30 nenos, que pdoerán ir acompañados de adultos. A inscrición debe facerse chamando ao teléfono 986 400 300.


Sociedade • 10/12/2019

A Alameda Castelao de Redondela acollerá na vindeira semana, do 20 ao 24 de decembro, un Mercado de Nadal que estará centrado na venda de produtos típicos destas datas como accesorios, agasallos, adornos ou doces, entre outros. As bases están a disposición dos interesados na web do Concello e as solicitudes poden presentarse do 9 ao 13 de decembro


Institucional • 10/12/2019

O Multiúsos da Xunqueira acolle este martes 10 de decembro, ás 19:30 horas, unha charla sobre o «Alzhéimer e outras demencias: detección e tratamento». Contará coa participación da traballadora social, Marina Requejo, o psicólogo Gonzalo Soliño e a terapeuta ocupacional, Nuria Vila, todos eles da Asociación de Familiares de Enfermos de Alzhéimer e outras Demencias de Galicia (AFAGA).


Institucional • 9/12/2019

Concello e Xunta asinaron hoxe en Redondela un convenio polo que a Consellería de Medio Ambiente compromete unha achega de máis de 250.000 euros para a redacción do PXOM. A alcaldesa, Digna Rivas prefire non adiantar prazos en torno ao documento urbanístico "porque hai cuestións técnicas por resolver" pero en calquera caso confían en que en cuestión de poucos meses o plan xeral de ordenación municipal pase polo pleno para súa aprobación inicial. A continuación tería lugar a o período de exposición pública, dous meses nos que dende o concello realizarán charlas nas parroquias para "favorecer que os veciños coñezan o plan e resolvan dúbidas".




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Dec 2019 >>
LMMXVSD
      1
2345678
9101112131415
16171819202122
23242526272829
3031     

Próximos Eventos...
Xoves, 12 de Decembro de 2019 - 17:30
Xoves de Conto en Arcade
A biblioteca de Arcade acolle o xoves 12 ás 17:30 horas o espectáculo O axudante de papá Noel a cargo da compañía Moc MOc. Entrada de balde.
Venres, 13 de Decembro de 2019 - 18:30
Obradoiro postais creativas
A biblioteca de Chapela organiza o venres 13 ás 18:30 un obradoiro de postais de Nadal orientado a nenos de 4 a 10 anos, impartido por Macarena González. Inscrición previa e de balde no 986454226.
Venres, 13 de Decembro de 2019 - 20:00
Concerto do conservatorio
O alumnado do COnservatorio Victor Ureña de Redondela ofrece un concerto o venres 13 ás 20:00 horas no Multiúsos da Xunqueira. Entrada de balde.
Sábado, 14 de Decembro de 2019 - 18:00
Folk con Anaquiños
O grupo de pendereteiras e baile de Anaquiños actúa o sábado 14 ás 18.00 horas no Multiúsos do Piñeiral do Crego en Chapela. Entrada de balde. Organiza Concello de Redondela.
Sábado, 14 de Decembro de 2019 - 20:00
Teatro no Multiúsos
Continúa o ciclo Vive o teatro o sábado 14 ás 20:00 horas coa actuación do grupo Redrum Teatro e a obra Invisibles no Multiúsos da Xunqueira. Entrada 7 euros normal, 5 entrada reducida. Organiza Concellería de Cultura.
Domingo, 15 de Decembro de 2019 - 18:00
Festival de Panxoliñas
O Multiúsos do Piñeiral acolle o domingo 15 ás 18:00 horas un evento musical no que se escoitará a música máis típica do Nadal, as panxoliñas. Entrada de balde. Organiza Concello de Redondela.
Domingo, 15 de Decembro de 2019 - 18:00
Contos do recreo
Espectáculo infantil o domingo 15 ás 18:00 horas no Multiúsos da Xunqueira a cargo da compañía Redrum Teatro. Unha representación enmarcada no II ciclo de teatro infantil que organiza a Concellería de Cultura. Entrada 3 euros.
Mércores, 18 de Decembro de 2019 - 16:00
Doazón de sangue en Chapela
Unha unidade móbil do centro de transfusión de Galicia desprázase a Chapela. As persoas que desexen facer as súas doazóns poden achegarse a ese autobús que estará ubicado nas inmediacións da Alameda o mércores 18 de 15:30 a 21:00 horas.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia