www.radioredondela.com Hoxe é Xoves, 24 de Xaneiro de 2019


Política • 24/01/2019

O alcalde asegura, en resposta a unha moción do PSOE na que instaban ao goberno a cumprir de inmediato co compromiso de trasladar as oficinas de servizos sociais aos baixos de Regojo, que o traslado está pendente da "publicación dos pregos, un trámite que debería resolverse en breve". Todos os grupos da oposición criticaron que mentres non se efectúa dito traslado non se teña habilitada a parte baixa dos edificio que actualmente ocupan os servizos sociais, na rúa Reveriano Soutullo, para atender a aqueles usuarios con mobilidade reducida "que se ven obrigados a desprazarse ao concello para seren atendidos".


Cultura • 24/01/2019

As Bibliotecas Municipais de Redondela continúan coas celebracións en torno ao seu medio século de vida e fano cunha proposta orientada ao público familiar, un concerto a cargo da " Uxia Lambona e a Banda Molona". A cita será este venres ás 18:00 horas no Multiúsos da Xunqueira con entrada de balda, previa retirada das invitacións que estarán a disposición do público dúas horas antes do inicio da función.


Política • 24/01/2019

A comunidade de Montes de Amoedo e os grupos municipais de Alternativa Veciñal, PsdeG-PSOE e a a concelleira non adscrita Lorena Domínguez explicarán os pormenores do acordo que asinaron e que foi aprobado en Pleno co obxecto de desbloquear o conflito do polígono industrial de Amoedo. A asemblea, aberta a toa a veciñanza, celebrarase o sábado 26 de xaneiro ás 19:00 horas no centro cultural da parroquia.


Institucional • 24/01/2019

Os escolares de Soutomaior participan dunha iniciativa que busca compoñer música rap con letras que falen da violencia de xénero. A iniciativa inclúe un concerto e a creación dun graffiti reivindicativo na entrada o IES Soutomaior o próximo 8 de marzo.


Política • 24/01/2019

O alcalde de Redondela participou no acto inaugural da feira de turismo que se celebra en Madrid ata o vindeiro domingo co obxecto de presentar o modelo de cidade así como os recursos turísticos e culturais cos que conta a nosa vila destacando aspectos como a Illa de San Simón, os areais de Cesantes e Arealonga ou o Camiño aos seu paso polo nosos concello.




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Xan 2019 >>
LMMXVSD
 123456
78910111213
14151617181920
21222324252627
28293031   

Próximos Eventos...
Xoves, 24 de Xaneiro de 2019 - 19:30
Castelao na Casa da Cultura
Normalización Lingüísitca organiza o 24 de xaneiro ás 19:30, unha charla en torno a Castelao a cargo de Carlos López Bernárdez, autor de diversos ensaios dedicados á historia pictórica de Galicia.
Venres, 25 de Xaneiro de 2019 - 18:00
Concerto con Uxia Lambona
Gala concerto das Bibliotecas municipais con "Uxia Lambona e a Banda Molona" no Multiúsos da Xunqueira o venres ás 18:00 horas. No acto terá lugar tamén a entrega de premios aos Mellores Lectores Infantís do 2018. Entrada de balde.
Sábado, 26 de Xaneiro de 2019 - 09:00
Xornadas Andaina
Charlas de diversos temas en torno á diversidade e obradoiros sobre coaching emocional na xornada do sábado día 26 en horario de mañá e tarde. Inscrición a través do facebook e o blog de Andaina. Ten un custe de 20 euros (10 euros reducida).
Sábado, 26 de Xaneiro de 2019 - 20:30
O enfermo imaxinario
O grupo Atlántida de Matamá adapta a obra de Molière: o enfermo imaxinario. Terceira proposta no Ciclo de teatro afeccionado que organiza a Asociación Cultural de Chapela en colaboración co COncello. O sábado 26 ás 20:30 no Piñeiral do Crego.
Domingo, 27 de Xaneiro de 2019 - 18:00
A sala de Catapumchimpum
Teatro infantil de monicreques coa compañía Titiribaile. O domingo 27 ás 18:00 horas no Multiúsos do Piñeiral do Crego en Chapela. Organiza a Concellería de Cultura. Entrada 3 euros.
Xoves, 31 de Xaneiro de 2019 - 12:00
Ximnasia para maiores
Aberto o prazo de inscrición nun programa de ximnasia dirixido a persoas maiores. As clases impartiranse en horario de mañá nos pavillóns de Redondela e Chapela. Inscrición antes do 31 de xaneiro nas oficinas de Servizos Sociais.
Xoves, 31 de Xaneiro de 2019 - 12:00
Barbies contra a desiguladade
Unha exposición que leva por nome "Rompe. Xoga en iguladade" impulsada pola Deputación para denunciar a discriminación e a desigualdade que sofren as mulleres. Poderá verse de luns a venres no concello de Pazos de Borbén, en horario de 9:00 a 14:00h.
Sábado, 2 de Febreiro de 2019 - 20:30
Misturarte Teatro
O grupo de Chapela estrea a súa nova obra A reunión dos Zanni no marco do ciclo de teatro afeccionado de Chapela. No Multiúsos do Piñeiral do Crego o sábado 2 ás 20:30 horas con entrada de balde.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia