www.radioredondela.com Hoxe é Sábado, 11 de Xullo de 2020


Sucesos • 10/07/2020

Un dispositivo conxunto da Policía Local e Nacional detiña na madrugada de hoxe un vehículo nun control de rutina na subida ao aeroporto. O nerviosismo do condutor, un veciño do Porriño de 48 anos de idade, leváronos a requisar o interior do vehículo, descubrindo un gran número de sustancias estupefacientes ocultas nun oco así como 7 teléfonos móbiles, un ordenador portátil, dúas tablets e cartos en efectivo. O vehículo foi intervido e ao codutor se lle imputa un delito de tráfico de drogas.


Sociedade • 10/07/2020

Máis de medio cento de persoas concentráronse este mañá ás portas da entidade bancaria para denunciar non só o cobro de comisións “abusivas” aos seus clientes senón tamén pola perda de calidade do servizo que están recibindo, coa supresión de boa parte das xestións presenciais, as longas esperas e a atención fóra das instalacións, o que está a obriga a moitos veciños a acudir á oficina que teñen no casco urbano de Redondela. Unha manifestación que foi a primeira doutras que prevén convocar nas vindeiras semanas.


Institucional • 10/07/2020

A peonalización gaña peso en Redondela logo da decisión do goberno local de pechar o tráfico na rúa Alfonso XII os sábados e domingos entre as 20:00 e as 24:00 horas. Unha medida que busca o dobre obxectivo de proporcionar maior espazo á cidadanía á hora de pasear e, ao mesmo tempo, que poidan manter a distancia interpersoal que recomendan as autoridades sanitarias por mor do Covid-19. Do mesmo xeito, peonalizarase ese treito cando se celebren eventos que, por ter unha maior afluencia de público, aconsellen adoptar dita medida para poder manter o espazo de seguridade.


Sociedade • 10/07/2020

O goberno local explica que o Estado de Alarma supuxo un atraso importante nos trámites administrativos para a contratacións das persoas que se encargarán de realizar este servizo. Unha demora que se complicou aínda máis ao non quedar claro ata primeiros de xuño os protocolos sanitarios sobre o uso das praias. Aseguran que a día de hoxe xa están finalizando o proceso de contratación polo que o servizo estará plenamente operativo na vindeira semana.


Cultura • 10/07/2020

A actividade desenvolverase o sábado 18 de xullo co obxecto de presentar o poemario Anguria publicado no pasado mes de febreiro. Sertal explica que coa pandemia non houbo marxe para realizar unha presentación e decide agora organizar este actividade alternativa, ao aire libre e na que se garantirán todas as medidas de seguridade. Consistirá nun percorrido de 2,1 quilómetros polas rúas de Redondela, con saída ás 11.30 horas da Praza de Ponteareas, en Vilavella.




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Nov 2019 >>
LMMXVSD
    123
45678910
11121314151617
18192021222324
252627282930 

Próximos Eventos...
Sábado, 11 de Xullo de 2020 - 22:00
Xingros Big Band
A formación do Conservatorio actuará o sábado 11 ás 22:00 horas na Alameda de Castelao. Actuación de balde enmarcada na programación da Concellería de Cultura.
Venres, 17 de Xullo de 2020 - 20:00
Peter Punk na Alameda
O pallaso Peter Punk presenta en Redondela o seu espectáculo Chungo ke te cagas nunha actuación que terá lugar o venres 17 de xullo na Alameda ás 20:00 horas. Actuación orientada ao público familiar con entrada de balde.
Sábado, 18 de Xullo de 2020 - 22:00
Airiños da Peneda
O grupo de música folk Airiños da Peneda actúa o sábado 18 ás 22:00 horas na Alemda de Castelao. Organiza a Concellería de Cultura.
Domingo, 19 de Xullo de 2020 - 21:30
Airiños do Mar de Teis
O grupo de voces masculinas Airiños do Mar de Teis actúa o domingo 19 na Alameda de Rosalía de Castro en Chapela ás 21:30 horas. Entrada de balde.
Venres, 24 de Xullo de 2020 - 22:00
Concerto fusión
O grupo Pelepau e a banda de música de Chapela únense para ofrecer un concerto o venres 24 ás 22:00 horas no paseo marítimo de Chapela. Entrada de balde previa reserva no mail concertos2020@redondela.gal
Sábado, 25 de Xullo de 2020 - 22:00
Concerto de Guadi Galego
A cantante e excompoñente de Berrogüeto achega a Redondela o seu espectáculo Immersión. O concerto será o Día de galicia ás 22:00 horas no campo da feira. Entrada de balde previa reserva no mail concertos2020@redondela.gal
Domingo, 26 de Xullo de 2020 - 21:30
Carlos do Viso
O lutier e zanfonista Carlos do Viso ofrecerá un concerto na Alameda de Castelao o domingo 26 de xullo ás 21:30 horas. Organiza o Concello de Redondela.
Sábado, 1 de Agosto de 2020 - 12:30
Vermú Cultural con Su Garrido
Arrancan os vermús culturais da Concellería de Cultura coa actuación de Su Garrido na praza Alejandro Otero. A actuación terá lugar o sábado 1 de agosto ás 12:30 horas.
Hoxe na Radio
11:00 - A música da túa vida
12:00 - 18 Rodas
23:00 - Tempo de Jazz