www.radioredondela.com Hoxe é Domingo, 19 de Maio de 2019


Política • 16/05/2019

Os candidatos á alcaldía de Redondela confrontarán as súas propostas electorais nun debate organizado por Radio Redondela que se celebrará o luns día 20 ás 20:00 horas no multiúsos da Xunqueira. Están convocados a participar representantes das seis agrupacións políticas que se presentan este ano ás eleccións municipais: PP, PSOE, AER, BNG, Unidas Podemos e Ciudadanos.


Cultura • 16/05/2019

Intensa fin de semana a que temos por diante con ducias de actividades programadas dentro do Festival Internacional de Títeres. Ademais da importancia que esta vixésima edición lle quere dar aos espectáculos itinerantes, haberá concertos con A Gramola Gominola, Paco Nogueiras e o grupo redondelán Relámpago. Recupéranse as actuacións nocturnas co teatro portátil de Teathre Jaleo instalado no antigo mercado do gando na Marisma e convídase a grandes e cativos a participar na ruada "Redondela é un conto".


Sociedade • 16/05/2019

Dende o 15 ao 31 de maio está aberto o prazo de inscrición para poder optar a unha das 300 prazas que oferta a Concellería de Igualdade a través do programa municipal de conciliación "Verán con Simona". Un programa orientado a nenos e nenas de 3 a 14 anos e que se vai desenvolver en once parroquias do concello entre o 1 e o 31 de xullo.


Sociedade • 16/05/2019

A colaboración dos veciños é indispensable para poder celebrar unha cita gastronómica na que non faltará a tortilla de patacas, tortilla francesa, empanada de ovo e atún e, como non, o prato estrela: ovos fritidos con patacas e chourizo. Un evento que confía en congregar máis de mil persoas durante a xornada do domingo, na que os pratos se poderán degustar baixo unha carpa nesta parroquia de Pazos de Borbén.


Cultura • 15/05/2019

Unha proposta que de seguro sorprenderá a todos os asistentes, como xa o fixera hai 18 anos cando na II edición deste festival chegara a Redondela co dúo Hugo e Inés. Nesta ocasión en solitario proponnos unha sucesión de números nos que cada parte do corpo se converte nun ser con vida propia para reflexionar sobre o nacemento,  o amor, a ambición, morte... Unha obra que leva por título "Desde el azul" hoxe mércores ás 21:00 horas no Multiúsos. Espazo que mañá xoves ocupará a arxentina Valeria Guglietti, con "10 años de sombras".




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Ago 2018 >>
LMMXVSD
  12345
6789101112
13141516171819
20212223242526
2728293031  

Próximos Eventos...
Venres, 24 de Maio de 2019 - 10:00
Doazón de sangue en Redondela
Unha unidade móbil do Centro de Transfusións de Galicia estará recollendo doazóns de sangue ao carón do concello o venres 24 en horario de mañá de 10:00 a 14.30 e pola tarde de 16:00 a 21.00 horas.
Venres, 24 de Maio de 2019 - 16:00
Doazón en Arcade
O Centro de transfusión de Galicia despraza a Arcade unha unidade móbil para facilitar aos veciños que fagan as súas doazóns. O autobús permanecerá o venres 24 na rúa Xosé Solla (en fronte da farmacia) de 16:00 a 21:00 horas.
Sábado, 25 de Maio de 2019 - 10:00
Doazón de sangue
Unha unidade móbil do Centro de transfusión de galicia desprázase a Redondela o sábado 25 para recoller doazóns en horario de 10:00 a 15:00 horas ao carón do Concello.
Hoxe na Radio