www.radioredondela.com Hoxe é Martes, 15 de Outubro de 2019

Un semáforo mellorará a seguridade viaria dos peóns nas Cardosas
Sociedade • 13/09/2010
Autor: Ana Prieto

O ministerio de Fomento instalará o dispositivo xunto á rotonda de Vilavella, unha medida que os veciños da zona levan anos reclamando debido á elevada densidade de tráfico que soporta a estrada N-550 na zona.


Fomento cumplirá cunha medida de seguridade viaria que os veciños da zona levan anos reclamando e instalará un semáforo con paso de peóns na zona das Cardosas, en Redondela. A actuación, segundo confirmou o Concello, inclúese nas obras de ampliación dun carril neste tramo da estrada N-550 ao seu paso por Redondela, entre a intersección coa N-552 (que une Redondela e Vigo) e a rotonda situada tras o Convento de Vilavella. A ampliación afecta a uns 500 metros do viario no que se desdobrará a calzada cun carril adicional en sentido O Porriño, facilitando así a incorporación dos vehículos que proceden de Pontevedra para dirixirse cara á Louriña ou ó aeroporto de Peinador. O proxecto contempla que os semáforos se coloquen nas inmediacións da rotonda de Vilavella, co fin de garantir a seguridade dos peóns que diariamente se ven obrigados a cruzar esta estrada. Os traballos de ampliación comezaron a principios de maio e está previsto que rematen a finais de ano.

Comentarios
xaestasbebedasuellen
Luns 13 de Setembro de 2010 ás 18:58 horas
E si es oficial de primeira non a protexe?
[1-1]

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: