www.radioredondela.com Hoxe é Martes, 14 de Xullo de 2020

A enseada de San Simón acolle o III Kitefest Cesantes con máis probas de regata
Deporte • 30/06/2020
Autor: Ana Prieto

Comeza a conta atrás para unha das probas deportivas máis espectaculares da ría. Esta edición, organizada polo TMKiteClub Cesantes e o Concello de Redondela, terá lugar os días 11 e 12 de xullo. Mañá mércores, 1 de xullo, péchese o prazo de inscrición. A organización agarda máis de 70 participantes en diferentes modalidades nas dúas xornadas do evento.


Refórzase a parte deportiva do evento ampliando o número de probas de formato regata e dividindo á frota en tres categorías principais -twintip, surf e foil- e unha división especial para participantes non federados. A proba, ademais, foi incluída este ano no calendario oficial de regatas da Real Federación Galega de Vela. O domingo 12 de xullo disputarase tamén unha exhibición de freestyle baixo invitación ao finalizar a última manga. O evento celebrarase cumprindo coas medidas de seguridade e hixiene fronte ao Covid-19 establecidas no protocolo da Secretaría Xeral para o Deporte e a Real Federación Galega de Vela, para garantir así a seguridade tanto dos participantes como da organización.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: