www.radioredondela.com Hoxe é Xoves, 12 de Decembro de 2019

Cecilia Pérez: É necesario mobilizar á cidadanía para que o BNG lidere o próximo goberno local
Sociedade • 29/11/2010
Autor: M. X. Queimaliños

Mestra de profesión e vella coñecida da política local, a que fora concelleira en anteriores mandatos, Cecilia Pérez Orge convértese na primeira candidata muller presentada polo partido nacionalista en Redondela. Consciente de asumir o cargo "nun momento difícil" márcase como obxectivo recuperar aos desencantados da política e conseguir que o seu grupo "lidere o próximo goberno local".


Pérez Orge inicia a súa andaina como candidata marcando diferenzas non só co PP senón tamén cos actuais socios de goberno do BNG ao asegurar que o proxecto dos nacionalistas é unha alternativa "completamente diferente e antagónica a que está executando o partido socialista". Consciente de asumir o proxecto nun momento difícil dada a situación económica "que afecta a moitos veciños e veciñas de Redondela" asegura que o proxecto que lidera "vai ilusionar á sociedade e facer que volva participar activamente na vida política".


Da desmotivación real que palpa na sociedade responsabiliza a certos "sectores que están a trasladar a idea de que todos os políticos e todos os partidos son a mesma cousa". Para contrarrestar esa idea tan espallada desenvolverán nestes seis meses que os separan dos comicios de Maio, un traballo de contacto directo cos veciños para "trasladarlles os logras acadados nas súas áreas de goberno e, sobre todo, achegándolles cales son os obxectivos do BNG de cara ao futuro".


Pérez Orge é a cabeza de lisa dunha candidatura con once nomes e onde atopamos no segundo posto ao actual responsable local Xoan Carlos González Campos, seguido das concelleiras de normalización Lingüística e Participación, Anxeles Babarro e de Servizos Sociais, Rosa Costas.


No posto número cinco está un membro da directiva da Confraría, Ánxel Lusquiños e no seis a sindicalista da CIG Ana Santomé. Pechan a lista Antón Campos, Roi Grande, María Xesús Láuzara, Agustín González e Purificación Serrano.


Unha candidatura "na que se combina a experiencia política e a xuventude, onde se lle da un papel relevante ás mulleres" e coa que esperan "liderar o próximo goberno municipal" segundo palabras da candidata nacionalista.

Comentarios
mechor gaspar y baltasar
Mércores 1 de Decembro de 2010 ás 19:18 horas
todos a prometer como los reyes magos .el bng tiene tres alternativa 1 perder las selecciones 2 pactar con el psoe o 3 pactar con pactar con basto
Desencantado coa política
Martes 30 de Novembro de 2010 ás 08:34 horas
O primeiro que terán que facer é recuperar os desencantados co BNG de Redondela que son moitos e cada día van en aumento.

Enténdese a mensaxe non?
Gracia!
Luns 29 de Novembro de 2010 ás 23:45 horas
Que simpática Ceci! Agora que veñen as eleccións son todos moi simpáticos participativos etc. POden contar o conto que queiran pero o feito é o feito e ao feito peito. No BNG non hai alternativa. Presentanse as mesmas mulleres sumisas a Carlos Pazos negadoras da evidencia. De vergoña!
[1-3]

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: