www.radioredondela.com Hoxe é Luns, 16 de Setembro de 2019

Os afectados pola AP-9 acudirán a Madrid a defender o contencioso administrativo
Institucional • 16/02/2011
Autor: M. X. Queimaliños

A asociación de afectados pola ampliación da AP-9 acordaron desprazarse a Madrid para defender ante a Audiencia Nacional o recurso contencioso administrativo que teñen aberto contra o Ministerio e no que solicitan que a obra se someta a estudo de impacto ambiental.


As últimas informacións do Ministerio de Fomento, nas que o seu titular José Blanco confirma que Autopistas do Atlántico ten preparado xa a licitación do proxecto para desdobrar a ponte de Rande non desalentan aos veciños de Chapela.


O colectivo de afectados é consciente das intencións de Fomento de poñer en marcha o proxecto de ampliación "antes do verán", tal e como declarou onte en Vigo o titular de Fomento, pero tamén lembran que a día de hoxe o financiamento da obra -estimado en 200 millóns de euros- é toda unha incógnita.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: