www.radioredondela.com Hoxe é Domingo, 22 de Setembro de 2019

O pleno debaterá a construcción dun patio cuberto no Colexio de San Mariña
Institucional • 21/02/2011
Autor: M. X. Queimaliños

A sesión ordinaria que se celebra este mércores día 23 abordará a construcción dun patio cuberto no Colexio de Santa Mariña. O BNG presentará unha moción instando o apoio do resto dos grupos para esixir á Consellería que acometa esta actuación.


Trátase dunha dotación que pais e nais veñen demandando dende hai meses, sen que a Consellería teña accedido ás súas demandas alegando a falta de orzamento na administración para abordar unha obra que ascendería a 200.000 euros.


Nesta ocasión o debate chegará tamén ao pleno da man dunha moción presentada polo BNG quen reclamarán ao resto dos grupos o seu apoio para esixir á Consellería de Educación que concrete os prazos e orzamentos para a construcción dun patio neste centro educativo.


Dende o bloque lembran que esta mellora beneficiaría a máis de catrocentos nenos e nenas de entre os seis e os doce anos que cursan neste centro escolar. Alumnos que nos días de choiva non poden gozar do tempo de lecer no exterior e que ven reducidas tamén a súa actividade de educación física, docencia que tampouco se pode desenvolver cando a meteoroloxía é adversa.


Pais e nais teñen previsto acudir a esta sesión plenaria que se celebrará o mércores ás 19:00 horas para coñecer de primeira man cal é o posicionamento de todos os grupos con representación na corporación e forzar tamén a que atendan as súas reclamacións.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: