www.radioredondela.com Hoxe é Domingo, 22 de Setembro de 2019

O PP rexeita asinar o manifesto do Día internacional da muller
Institucional • 21/03/2011
Autor: M. X. Queimaliños

Os populares argumentan a súa postura alegando que o manifesto elaborado pola Concellería de Igualdade "non representa ás mulleres de Redondela senón as posturas ideolóxicas do bipartito local atacando ao goberno autonómico"


O Partido Popular rexeitou apoiar o manifesto elaborado co gallo do Día Internacional de Muller pola Concellería de Igualdade ao considerar que o seu contido "é en exclusiva un ataque ao goberno autonómico do PP".


A secretaria de comunicación do PP local, Teresa París explica que no corpo do manifesto existen referencias ao risco de involución dos dereitos da muller que estamos a vivir, unha interpretación da realidade que cualifica de "moi sesgada" tendo en conta que "o cambio hai xa décadas que se produciu e ademais é imparable".


Critican que se empregue o manifesto para solicitar que se retire a lei de Familia que ven de ser aprobada pola Xunta e que se reclamen maiores axudas de violencia de xénero cando o goberno galego "segue mantendo as partidas, sen recorte algún, con este fin"


Aproveita o PP local para subliñar que a Concellería de igualdade demanda incrementos nas partidas procedentes da xunta mentres as partidas que o Concello destina para axudar a estas mulleres e ás súas familias non medraron e tampouco se incrementaron as que proceden do goberno central.


Finalmente dende o PP expresan o seu compromiso en "coidar que os dereitos das mulleres continúen a ser tratados positivamente" pero rexeitan asinar o documento porque dende o seu punto de vista o mesmo non supón "un apoio á muller, senón o apoio a unha lista de cuestións que politicamente consideran correctas os membros do Goberno local para articular peticións que lles rendan fronte os seus partidarios".  

Comentarios
seguidor de faloredondela.
Luns 21 de Marzo de 2011 ás 13:01 horas
en primeiro lugar quero preguntar que pasa con faloderedondela, páxina ilustrativa da vida local. xan van duas ocasions en que desaparece. hoxe mesmo non funciona. sería atracada ou silenciada?.
en segundo lugar, estes peperos sempre poñendo peros. por certo, ¿ quen é esta rapaza do pp? coñecida na sua casa.
Rancios
Luns 21 de Marzo de 2011 ás 12:56 horas
Este do PP deixan un tufo a OPUS que da noxo, a muller na casa e na misa, so falla que den un mitín na igrexa de Redondela, como fixeron a seman pasa en Poio, que noxo.

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: