www.radioredondela.com Hoxe é Mércores, 14 de Novembro de 2018

Cambios no tráfico a partir do luns polas obras de Vilavella
Institucional • 11/09/2009
Autor: Lorena Otero

A rúa José Regojo abrirase ao tráfico en ambos sentidos o luns 14 de setembro.


As obras de humanización que se están a realizar na zona de Vilavella obrigarán a desviar, a partir do luns, o trafico de entrada a Redondela. A construcción de beirarrúas na rúa Pai Crespo, desde o Supermercado Día ata o Convento, provocarán o peche da circulación nesta estrada salvo para os vehículos que circulen en dirección a Vigo.  En sentido contrario, cara o centro de Redondela, só poderán pasar os autobuses e pequenos camións de reparto que teñan que acceder ao centro urbano. O seu paso estará regulado polos traballadores que están a desenvolver as obras de humanización, segundo vén de informar a Policía Local de Redondela.


Os vehículos que queiran acceder ao centro da vila terán que facelo a través da rúa Prego Montao, a paralela a Pai Crespo, mentres que os vehículos pesados que se dirixan cara Pazos de Borbén deberán coller a estrada de Nespereira. Para aqueles que se atopen no centro da vila e queiran saír, poderán facelo, como ata o momento, pola subida da Estación, polo Salgueiral ou ben por Pai Crespo. Uns cambios na circulación que se comezarán a aplicar a partir do vindeiro luns.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: