www.radioredondela.com Hoxe é Luns, 26 de Agosto de 2019

Retencións na N-550 por mor dunha saída de vía
Sucesos • 14/10/2009
Autor: M. X. Queimaliños

Un Seat León batía preto das nove da mañá de hoxe contra unha máquina estacionada na beiravía logo de que o seu conductor R.C.R. quedara durmido ao volante. A pesar do aparatoso do accidente tan só hai que lamentar danos materiais


Preto das nove da mañá de hoxe producíase un accidente de tráfico na estrada N-550 entre Redondela e o Porriño. O concutor dun turismo Seat León perdía o control do vehículo que conducía logo de quedar durmido e batía contra unha máquina que se atopaba estacionada no lateral da vía.


O sinistro producíase preto do Alto dos Valos, concretamente á altura do restaurante Casa Herminia e provocaba algunhas retencións na circulación. Afortunadamente non hai que lamentar danos persoais, xa que o condutor e único ocupante do vehículo puido saír polo seu propio pe do turismo accidentado.


Ata o lugar do sinistro achegáronse membros do Grumir, Portección Civil e unha patrulla da garda Civil de tráfico.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: