www.radioredondela.com Hoxe é Luns, 26 de Agosto de 2019

O goberno local reclamará a Portos de Galicia a construción dun novo pantalán en Cesantes
Institucional • 14/10/2009
Autor: M. X. Queimaliños

A corporación debaterá en pleno un escrito presentado polas asociación culturais e sociais da parroquia para a construcción dunha nova infraestructura e a retirada do actual, que fora derruído o pasado 5 de outubro polo temporal.

 


O concelleiro de cultura, Eduardo Reguera, confirmou o apoio total do seu grupo á petición presentada por diferentes colectivos para solicitar do departamento de Portos de Galicia que se retiren de xeito inmediato os restos do embarcadoiro de Cesantes. A infraestructura, que xa se atopaba nun estado moi deteriorado, non aguantou os envites das olas e o vento que dez días atrás afectou a toda a comarca.


Dende o goberno local son conscientes do perigo que os restos da plataforma, que seguen flotando na auga, supoñen para as embarcacións que saen faenar na zona.


Argumentos como a seguridade e o propio valor turístico do pantalán fan obrigado segundo o edil, que se constrúa unha nova plataforma, que dea servizo tanto aos bañistas como aos propio mariñeiros que traballa na zona


O escrito que o alcalde Xaime Rei xa se comprometeu a levar ao vindeiro pleno está asinado pola Circulo Cultural de Cesantes, a confraría de pescadores, a asociación das festas da Virxe do Carme, a comunidade de montes da parroquia, o Obradoiro de estudos locais Fernando Monroy e a asociación de empresarios de Redondela.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: