www.radioredondela.com Hoxe é Venres, 18 de Agosto de 2017

Rescatados na praia de Cesantes unha muller e un menor cando eran arrastrados pola corrente
Sucesos • 12/06/2017
Autor: M. X. Queimaliños

Susto o vivido a media tarde de onte na praia da punta en Cesantes, cando o mar picado nunha zona especialmente perigosa do areal, na lingua de area que comunica a zona da punta coa Illa de San Simón, arrastraba perigosamente a dúas das persoas que se atopaban nese intre na auga. Segundo as testemuñas presentes na praia eran unha muller e un menor de idade as dúas persoas arrastradas pola corrente sendo rescatados finalmente por uns Kitesurfistas, que lograron sacalos da auga e levalos á beiramar.


Unha tarde a de onte onde o tempo acompañaba e na que foron moitos os que se achegaron a praia da Punta en Cesantes. Unha tarde de lecer na que se viviron momentos de tensión cando algúns dos bañistas eran arrastrados pola corrente. Incapaces de saír da auga foi a intervención duns Kitesurfistas, a que fixo posible que a situación se resolvese ao lograr chegar ata os bañistas e arrastralos ata a beiramar.


Unha situación que pon de manifesto a necesidade de adiantar a contratación dos socorristas, un servizo do que polo de agora non dispoñen as nosas praias e que se atrasa ata o inicio do vindeiro mes de xullo. Tamén a necesidade de incidir na prudencia á hora de botarse a auga, sobre todo cando o mar está picado.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: