www.radioredondela.com Hoxe é Venres, 24 de Novembro de 2017

Soutomaior inviste 150.000 euros para arranxar as filtracións de auga no pavilón de A Montesiña
Institucional • 11/09/2017
Autor: M. X. Queimaliños

O Concello de Soutomaior destinará un total de 15.000 euros para executar as obras de renovación na cuberta do pavillón municipal de deportes da Montesiña. A actuación, que será financiada a través dun convenio coa Secretaría Xeral de Deportes da Xunta de Galicia, comezará nas próximas semanas para garantir que a cuberta estea en perfecto estado antes da chegada do inverno eliminar as actuais filtracións de augas que se producen a través do seu tellado.


Durante as últimas semanas, traballadores municipais detectaron algunhas deficiencias na cuberta do pavillón da Montesiña que producían filtracións de auga nas zonas transparentes do tellado destinadas a proporcionar luz natural ao recinto. Danos que tras a inspección técnica localizáronse nas marxes destas zonas e foron atribuídos ao propio desgaste dos materiais polo paso do tempo e as inclemencias meteorolóxicas, polo que se optou por substituír estes paneis por outros novos de maior calidade e que garantirán a estanqueidade da cuberta.


Durante o transcurso das obras de mellora desta infraestrutura deportiva, o Concello de Soutomaior e a empresa adxudicataria velarán por causar as mínimas molestias aos centos de usuarios que fan uso deste espazo de forma habitual.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: