www.radioredondela.com Hoxe é Luns, 19 de Febreiro de 2018

Catro medallas para o remo redondelán na estrea da temporada de bateis en Vilaxoán
Deporte • 12/02/2018
Autor: Ana Prieto

Os anfitiróns foron os absolutos dominadores da I Bandeira Confraría de Pescadores de Bateis, celebrada en augas de Vilaxoán, coa presenza de 21 clubs da provincia, entre eles o C.R. Chapela e o Cesantes, con dúas medallas de prata e dúas de bronce, respectivamente.


Un total de 88 equipos e máis de 500 deportistas masculinos e femininos déronse cita na proba organizada polo Club de Remo Vilaxoán. A superioridade dos atletas vilaxoaneses foi abafadora e arrasaron en sete das nove categorías celebradas. E delas as catro regatas femininas leváronas as remeiras de Vilaxoán, moi superiores. Os anfitrións, con 46 puntos, levaron a Bandeira de Honra, e deixaron moi lonxe e en segunda posición ao Club Remo Mecos con 18 puntos e ao terceiro, Amegrove, con 15. Os barcos de Redondela subiron catro veces ao podio. Chapela fíxoo coa segunda posición nas categorías xuvenil feminina e alevín masculina, e Cesantes con bronce nos cadetes e xuvenís masculinos.


O próximo sábado dispútase a segunda regata da temporada, será no Grove, organizada por Amegrove.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: