www.radioredondela.com Hoxe é Sábado, 20 de Xullo de 2019

"Da Pedra ao Sal", unha mostra desde a Prehistoria ao Galaico Romano en Redondela
Cultura • 11/02/2019
Autor: Ana Prieto

A nova exposición, que pode visitarse no Multiúsos da Xunqueira , é unha achega aos períodos máis afastados do pasado de Redondela e a súa comarca. Nela móstranse datos de achados dende a Prehistoria ata a época Galaico-Romana, co acompañamento de fotografías do Museo de Pontevedra e ilustracións.


Da Pedra ao Sal. Anotacións sobre a Prehistoria e o Período Galaico Romano na comarca de Redondela. Ese é o título da nova mostra inaugurada polo alcalde de Redondela Javier Bas, xunto ao historiador Telco Crespo. A exposición, situada na sala II do Multiúsos de Redondela, é unha achega aos períodos máis afastados do pasado de Redondela. A partir dunha grande liña do tempo, o visitante pode situarse na época e os fitos máis importantes do momento. Os contidos, desenvolvidos baixo a dirección do historiador colexiado Crespo Tojeiro, son expostos de forma novidosa, de xeito didáctico, co fin de achegar a información ao maior público posible. A mostra ofrece datos sobre os achados no Monte Carrascal, a importancia de innovacións como a cerámica no Neolítico ou o valor que os romanos lle deron ao sal. Pode visitarse todolos días de luns a domingo no horario de apertura do Multiúsos.

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: