www.radioredondela.com Hoxe é Sábado, 16 de Novembro de 2019

Concentración contra a violencia de xénero e manifesto do Círculo Cultural de Cesantes
Institucional • 6/05/2019
Autor: M. X. Queimaliños

A praza do concello acolle este luns 6 de maio ás 19:30 horas a concentración contra a violencia machista que se convoca cada mes co obxecto de visibilizar e amosar o apoio de todos e todas ás vítimas deste tipo de violencia. Dende o concello convidan a toda a cidadanía a participar e unirse a concentración desta tarde.


Esta iniciativa, ideada e consensuada polo Consello Municipal da Muller no que participan colectivos de mulleres redondelás, partidos políticos e sindicatos, ten como obxectivo aumentar a visibilidade deste tipo de violencia e tamén sensibilizar á poboación sobre que a eliminación destas condutas violentas contra a muller, depende de todas e todos.


O acto, que se desenvolverá hoxe luns 6 de maio na praza do Concello ás 19:30 horas, incluirá ademais da propia concentración a lectura dun texto que será colleita, neste mes, do Círculo cultural de Cesantes. E como símbolo gardarase un minuto de silencio e procederase á colocación dunha lona en contra da violencia de xénero no balcón do Concello dende primeiras horas do día.


O Concello de Redondela e os membros do Consello Municipal da Muller convidan á cidadanía redondelá a participar cada mes nesta concentración mostrando así o seu rexeitamento contra a violencia de xénero e calquera outra forma de violencia e a súa concienciación da loita contra esta lacra social.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: