www.radioredondela.com Hoxe é Martes, 12 de Novembro de 2019

Ferido un home en Negros tras quedar atrapado baixo un motocultor
Sucesos • 25/09/2019
Autor: M. X. Queimaliños

Un veciño da parroquia de Santo Estevo de Negros resultou ferido na tarde de onte en ambas as dúas pernas logo de quedar atrapado baixo un motocultor co que estaba a realizar labores de fresado nunha leira colindante coa súa vivenda. Unha ambulancia medicalizada trasladou ao ferido ao hospital Alvaro Cunqueiro dada a gravidade das lesións.


Os feitos tiveron lugar a media tarde deste martes logo de recibir o 112 unha chamada na que se alertaba de que unha persoa estaba atrapada baixo un motocultor. Ata o lugar desprazáronse membros de protección civil, unha ambulancia do O61 e unha patrulla da Policía Local. O home foi liberado e ante as feridas que presentaba en ambas as dúas pernas foi trasladado por unha ambulancia medicalizada ao hospital Alvaro Cunqueiro.


 

Comentarios

ENVÍA A TÚA OPINIÓN
 
Nome e Apelidos   Correo Electrónico (opcional)
 
Comentario:

Imaxe de Verificación:
Escriba o Código: