www.radioredondela.com Hoxe é Martes, 12 de Novembro de 2019


Política • 11/11/2019

A exposición Criminalización do Pensamento volve estar na entrada do edificio multiúsos logo de que onte fora retirada por orde da Xunta Electoral tras unha denuncia do PP. Unha decisión argumentada en que "os colexio electorais deben estar libres de carteis ou símbolos que pola súas connotacións poidan ser constitutivas de propaganda electoral". Malia acatar a decisión da Xunta electoral o Colectivo Republicano non comparte a decisión "xa que na mostra en ningún momento se pide o voto a favor de ningún partido, tan só se recollen feitos que forman parte da nosa historia". Unhas polémicas que están a ter un efecto chamada entre o público.


Política • 11/11/2019

Perde apoio o Partido socialista no noso concello ao caer notablemente o número de votantes que os elixiron respecto das eleccións do pasado mes de abril. Pasa o partido de Sánchez de 6.558 votos a 5.887. Unha caída que, con todo, mantennos como o partido máis votado no municipio seguido do PP. Os populares recuperan peso, pasando de 3891 a 4181 votos. Recupérase tamén o BNG, malia que o salto máis preocupante, do mesmo xeito que no resto do estado, é o crecemento de Vox, que pasa de 631 a 990 papeletas. Desfeita tamén en Redondela de Ciudadanos que pasa de 1602 votos a tan só 517.


Deporte • 11/11/2019

Moitas ocasións para o Choco pero que non conseguiu materializar nun partido en Pontellas que rematou 0-0. Empate tamén do Arcade co Castrelos e vitoria do Vilar ante o Xinzo. No balonmán perdeu a SAR Rodavigo ante o Oviedo, empatou o Rodosa Chapela co Teucro e a SAR goleou ao Poio en Autonómica.


Sociedade • 11/11/2019

A situación obriga a convocar eleccións para elixir unha nova directiva, e deixa ao pósito sumido na incerteza de cara a campaña de Nadal, un dos períodos máis importantes en canto a facturación nunha confraría cuxos problemas principais responden á caída dos ingresos provocada polo descenso no número de embarcacións así como polo feito de que case a metade das súas mariscadoras se atopen actualmente de baixa.


Política • 11/11/2019

A alcaldesa Digna Rivas sinala que "Redondela estará sempre en contra dunha actuación que degrada o medio ambiente de xeito irreversible e empeora a calidade de vida dos veciños e veciñas". Responde así ás intención da Autoridade Portuaria de poñer en marcha á reordenación da zona de Rande coa construción dun novo viario costeiro destinado ao tráfico portuario". Actuación que conta co apoio do departamento municipal de Urbanismo de Vigo, pero que rexeita Redondela "que é quen ten a última palabra" neste asunto.




Novas Anteriores:
primeira • • [1] [2] [3] [4] [5]seguinteultima
Buscar:
en radioredondela.com en Google
Axenda

<< Out 2019 >>
LMMXVSD
 123456
78910111213
14151617181920
21222324252627
28293031   

Próximos Eventos...
Venres, 15 de Novembro de 2019 - 12:00
Cursos de memoria
O Concello abre o prazo para se inscribir na actividade de Memoria que se vai desenvolver ata o 30 de xuño e que ten un custe de 32,65€. Unha en Redondela e Chapela. Inscricións ata o 15 de novembro.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia
23:00 - Tempo de Jazz