www.radioredondela.com Hoxe é Xoves, 25 de Abril de 2019


Sucesos • 22/04/2019

Arrancou o Artelixo e fíxoo con anécdota incluída polo roubo dunha das obras presentadas. Foi a proposta presentada pola Agrupación de Electores baixo o título  "haiche moito que limpar" a que desapareceu da rúa nada máis colocarse nos soportais do concello. Malia que a obra tiña un carácter reivindicativo, ao tratarse dun robot aspirador, máis coñecido como "roomba" que se instalou rodeado de imaxes que o artefacto debía "limpar", parece que o roubo non tería motivos ideolóxicos.


Deporte • 22/04/2019

O C.R.Chapela subiu ao podio en dúas ocasións no Campionato Galego de Bateis disputada en Meira cun ouro na categoría cadete feminina e un bronce na cadete masculina. Os dous bateis participarán a próxima fin de semana no Campionato de España, que se celebrará en Vigo. Na proba autonómica o club organizador, Samertolameu, acadou dúas bandeiras nunha regata cos títulos moi repartidos.


Cultura • 22/04/2019

Arranca hoxe luns a VII edición do Festival internacional de Curtametraxes e diversidade funcional que organiza a asociación Andaina e faino cunha sesión orientada aos máis pequenos. Cine de animación infantil con cinco títulos que se poderán ver ás 19:00 horas no Multiúsos da Xunqueira con entrada de balde. Unha vez rematado o pase, os asistentes terán a posibilidade de asistir a unha visita guiada polas obras de Arte Lixo.


Política • 22/04/2019

"Cunha actuación branda gañaríase un espazo que se debe converter en porta de entrada dunha Redondela concibida para uso e goce das persoas" afirma o candidato á alcaldía, Xoán Carlos González, quen propón que a zona se humanice restrinxindo o tráfico de vehículos procedente do Porriño, que accederían pola rotonda de Vilavella, e poñendo en valor o conxunto etnográfico formado polo cruceiro, peto de ánimas e a fonte da praza.


Cultura • 22/04/2019

A Biblioteca de Chapela recibirá o nome de Xela Arias este luns 22 de abril nunha cerimonia que terá lugar ás 17:00 horas e que contará con representantes do mundo da cultura así como do Instituto da parroquia, lugar no que Xela Arias levou a cabo labores docentes.




Novas Anteriores:
primeiraanterior [1] [2] [3] [4] [5]seguinteultima
Buscar:
en radioredondela.com en Google
Axenda

<< Abr 2019 >>
LMMXVSD
1234567
891011121314
15161718192021
22232425262728
2930     

Próximos Eventos...
Venres, 26 de Abril de 2019 - 10:00
Día do Maior
Redondela organiza o venres 26 unha xornada lúdica e festiva para os maiores do municipio. Celebrarase o Día do Maior no Complexo Deportivo Santa Mariña e no Pavillón Municipal da Marisma en horario de 10.00 a 19.00 horas.
Venres, 26 de Abril de 2019 - 12:00
Xornada na Illa de San Simón
A Illa de San Simón acollerá o 26 de abril unha xornada baixo o nome A cultura medieval á luz das novas tecnoloxías froito dun convenio de colaboración entre o Concello de Redondela e o Consello da Cultura Galega. De balde con inscrición previa.
Venres, 26 de Abril de 2019 - 17:30
Obradoiro debuxo rítmico
Títeres Babaluva imparte un obradoiro de debuxo rítmico para crianzas de 0-4 anos (17:30) e de 5-10 (18:30), trabállase a música, a oralidade, a escritura e o debuxo. O venres 26 no Multiúsos da Xunqueira. Inscrición en normalizacion@redondela.gal
Venres, 26 de Abril de 2019 - 18:00
Acto público do BNG
Acto de peche de campaña o venres 26 de abril ás 18:00h na Alameda de Redondela coas intervencións do candidato a alcaldía de Redondela, Xoán Carlos González, a candidata ao senado Cecília Pérez e a candidata ao congreso Olalla Obelleiro.
Sábado, 27 de Abril de 2019 - 17:00
Obradoiro de cociña mexicana
Xuventude organiza clases de cociña mexicana orientadas a mozos e mozas de entre 15 e 18 anos. Impartiranse o día 27 no local Tía Estébana na rúa Reveriano Soutullo e compre inscrición previa a través dun formulario na páxina web do concello.
Sábado, 27 de Abril de 2019 - 21:00
Petróglifos de Ventosela
Redondela organiza unha visita nocturna para a noite do sábado 27 aos petróglifos de Ventosela baixo as explicación do arqueólogo Xurxo Constela. A visita é de balde, pero é necesaria inscrición previa no teléfono 600381782.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia