www.radioredondela.com Hoxe é Venres, 18 de Outubro de 2019


Cultura • 8/10/2019

A batalla naval máis famosa da historia española, a que enfrontou no ano 1702 ás escuadras anglo -holandesa e hispano-francesa, volverá librarse o vindeiro sábado día 19 en augas da enseada. Como aperitivo a esta VI conmemoración da Batalla, este mesmo domingo día 13 o centro urbano pecharase ao tráfico para acoller unha representación polas rúas da vila que rematará na Praza da Constitución. A recreación histórica en Rande amplíase con obradoiros para os máis pequenos e un mercado de época que contará con 22 postos de artesanía e comida.


Sucesos • 8/10/2019

O Servizo de Protección da Natureza de Medio Ambiente denunciou ao Concello de Soutomaior por realizar vertidos ilegais de residuos sólidos urbanos nos montes Comunais do municipio. A denuncia, que ten data do 13 de setembro, asegura que o propio Concello realizou verteduras ilegais de "tellas, pedras e residuos procedentes de desbroces"nos terreos da comunidade de montes da Montesiña.


Sucesos • 8/10/2019

O camión que procedía de Málaga quedou atrancado no camiño do Penisal por confiar unha vez máis no sistema de navegación. O trailer quedou atascado nun camiño que presenta unha forte pendente e que é especialmente estreito nalgúns dos seus tramos, nos que o vehículo quedou finalmente encaixonado. Axentes da Policía Local axudaron ao condutor a realizar as manobras marchas atrás que lle permitiron saír da zona. Por outra banda, onte resultaba ferido leve o condutor dunha furgoneta nas inmediacións do campo de fútbol de Cabeiro.


Sociedade • 8/10/2019

Menos afluencia pero mesmo obxectivo: paralizar a instalación dunha casa de apostas na rúa Ernestina Otero. Na terceira concentración celebrada ás seis da tarde de onte eran ao redor dun cento de veciños os que se mobilizaron contra este negocio, poñendo o foco novamente na proximidade cos colexios e a zona deportiva da Marisma. Presenza tamén de varios representantes políticos que se sumaban a esta protesta logo de que no último pleno se comprometeran, de xeito unánime, a emitir unha declaración institucional contra a apertura da casa de apostas en Redondela. As protestas continuarán todos os luns de outubro ás 18:00 horas.


Política • 7/10/2019

O que fora alcalde de Redondela durante as dúas pasadas lexislaturas incorpórase á candidatura dos populares ás eleccións xerais do próximo 10 de novembro. Bas, que renunciara a súa acta de concelleiro e a presidir o PP de Redondela “por motivos laborais” logo de perder a alcaldía, regresa á vida política como unha das novidades da lista dos populares pola provincia pontevedresa con respecto aos comicios do 28 de abril.




Novas Anteriores:
primeiraanterior [6] [7] [8] [9] [10]seguinteultima
Buscar:
en radioredondela.com en Google
Axenda

<< Out 2019 >>
LMMXVSD
 123456
78910111213
14151617181920
21222324252627
28293031   

Próximos Eventos...
Venres, 18 de Outubro de 2019 - 12:00
Búscase profesor de música
Unha oferta de emprego que chega dende a escola de música de Chapela que busca un profesor para impartir clases a nenos de 0 a 3 anos. Requírese dominio de inglés falado. Envío de currículo a escolademusica@culturaldechapela.org ou no 636124635.
Venres, 18 de Outubro de 2019 - 17:00
Escape Room na Biblioteca
Baixo o nome Atrapados con Alicia a biblioteca organiza esta actividade na que os participantes maiores de 9 anos deberá atopar as pistas que os permita dar coa saída. Será o 18 de outubro con sesións ás 17:00, 18:00, 19:00. Compre inscrición previa
Venres, 18 de Outubro de 2019 - 19:30
Ciclo piano: Dúo Scaramouche
O Dúo Scaramouche, formado por Javier Ares e Jorge Briones, presentarase ao público o día 18 de outubro da man de Luís Costa. O programa que presenta este dúo está integramente dedicado a Adalid. No Multiúsos ás 19:30 horas.
Sábado, 19 de Outubro de 2019 - 11:00
Batalla de Rande
As actividades arrancarán ás 11:00h coa apertura do mercado e a chegada das embarcacións tradicionais. A teatralización central está prevista para as cinco da tarde coa obra "Os galeóns de Rande". Haberá obradoiros de pintacaras e tatuaxe.
Sábado, 19 de Outubro de 2019 - 20:00
Sheila Patricia en concerto
O Multiúsos da Xunqueira acolle o sábado 19 o concerto de Sheil patricia. Unha actuación ás 20:00 horas organizada dende o Concello de Redondela cunha entrada a 3 euros.
Domingo, 20 de Outubro de 2019 - 18:00
Festival Folclore no Camiño
A Alameda acolle o domingo 20 ás 18:00h un festival do Patrimonio Inmaterial do Camiño Portugués da Costa. Participarán a Banda de Gaitas Xarabal (Vigo), a Asociación Cultural A Seneira (Baiona) e o Rancho Folclórico do Sopo (Vilanova da Cerveira).
Domingo, 20 de Outubro de 2019 - 19:30
Ciclo piano: concerto
Alejo Amoedo e Susana de Lorenzo serán os encargado dos concerto que se poderá escoitar no Multiúsos o 20 de outubro ás 19:30 horas enmarcado na I edición do ciclo de piano dedicado a Marcial del Adalid.
Venres, 25 de Outubro de 2019 - 20:00
Ciclo piano: Paula Ríos
A pianista paula Ríos , presentada pro Carolina Queipo, ofrecerá un concerto no COnservatorio Victor Ureña o venres 25 ás 20:00 horas enmarcado dentro do I Ciclo de piano dedicado a Marcial del Adalid.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia