www.radioredondela.com Hoxe é Martes, 12 de Novembro de 2019


Cultura • 30/10/2019

Achégase o día do Samaín e son moitas as actividades que dende Concellos, asociacións e centros culturais organizan neste 31 de outubro orientadas, principalmente, aos máis pequenos. Obradoiros, concursos e propostas "terroríficas" para unha festa que ano tras ano cobra máis pulo. En Redondela, as actividades organizadas na Alameda Castealo e na Alameda de Chapela previsiblemente desprazaranse aos multiúsos da Xunqueira e o Piñeiral polo mal tempo.


Política • 30/10/2019

Nun acto celebrado este martes no peirao de San Adrián de Cobre os familiares dos presos que pasaron pola Illa de San Simón amosaron o seu rexeitamento a que se celebre neste lugar a festa de Samaín organizada pola empresa Nabia coa autorización da Xunta. Esixen que se respecte a memoria dos seus antepasados e se "deixen de celebrar ginkanas e festas na illa". Anuncian que máis alá do que ocorra o xoves, seguirán traballando para conseguir a denominación de San Simón como Illa da memoria e por un Plan de usos do espazo que evite actividades que sexan ofensivas para as vítimas do franquismo e as súas familias".


Institucional • 30/10/2019

Anticipándose á celebración do Día de Todos os Santos, o Concello de Pazos de Borbén está a ultimar as tarefas de mantemento e limpeza no oito cemiterios existentes no municipio. Os traballos centráronse nunha limpeza integral dos recintos e asegurar o bo estado das zonas de acceso e aparcadoiro.


Política • 29/10/2019

A voceira dos populares en Redondela, Carmen Amoedo asegura que a falta de experiencia da actual alcaldesa é o que lle leva a facer "afirmacións falsas" cando afirma que o compromiso da Consellería para remodelar a Avenida Mendiño era un anuncio puramente electoralista. Recoméndalle que chame a Xunta para informarse de como estaba previsto financiar esa obra que prevé un investimento de 1,6 millóns. "Que levante o teléfono e se informe, porque é preciso facer un convenio para que a actuación sexa unha realidade, que ese investimento non veña recollido nos orzamentos da Xunta non significa nada".


Política • 29/10/2019

Os traballos de reconstrución do muro que se derrubara parcialmente no pasado mes de febreiro deixan estes días unha imaxe pouco habitual: máquinas na canle e un agresivo dragado de terra para construír un dique seco e permitir así aos operarios realizar os traballos na canle do río. Así o explica o concelleiro de medio ambiente, Roberto Villar quen malia lamentar o invasivo desta actuación asegura que é a única posible para evitar "males maiores" como sería o derrube de parte da rúa Ernestina Otero o que afectaría as canalización de augas e saneamento.




Novas Anteriores:
primeiraanterior [7] [8] [9] [10] [11]seguinteultima
Buscar:
en radioredondela.com en Google
Axenda

<< Nov 2019 >>
LMMXVSD
    123
45678910
11121314151617
18192021222324
252627282930 

Próximos Eventos...
Venres, 15 de Novembro de 2019 - 12:00
Cursos de memoria
O Concello abre o prazo para se inscribir na actividade de Memoria que se vai desenvolver ata o 30 de xuño e que ten un custe de 32,65€. Unha en Redondela e Chapela. Inscricións ata o 15 de novembro.
Hoxe na Radio
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia
23:00 - Tempo de Jazz