www.radioredondela.com Hoxe é Luns, 22 de Xaneiro de 2018


Cultura • 19/01/2018

O Cemiterio dos Eidos forma parte dos seis percorridos turísticos que a Concellería de Turismo organiza durante as fins de semana. Dar a coñecer a súa arquitectura, historia, o seu valor patrimonial e cultural é un dos obxectivos que levou a incluír esta visita no programa que arrancaba o pasado sábado con éxito de participación e que se prolongará durante os vindeiros meses. Soledad Chayán, guía oficial de turismo de Galicia, é a encargada da actividade que propón tamén coñecer a Redondela medieval e moderna, achegarse á zona da Portela, facer un percorrido nocturno pola vila ou percorrer todo o casco urbano.


Sociedade • 19/01/2018

Os afectados pola eliminación da tarxeta verde acordaron continuar coa recollida de sinaturas e trasladar ao pleno do concello unha moción para demandar ao alcalde de Redondela que negocie co seu homólogo en Vigo unha solución ante a inminente eliminacións das bonificacións aos usuarios do Vitrasa non empadroados nesa cidade. Malia as afirmacións dende o goberno local sobre a "incapacidade xurídica de Vigo para limitar ditas bonificación", en palabras da popular Carmen Amoedo, os veciños reclaman un compromiso do goberno e "que asuman o custe a maiores que terán que pagar os veciños de Redondela cando a eliminación das bonificación sexa efectiva".


Sociedade • 19/01/2018

"A regularización catastral, iniciada hai un ano e que está a supoñer un enorme incremento para moitos veciños, afectará igualmente aos Centros Culturais das parroquias do Concello. Ante esta situación o BNG solicita que "como entidades sen ánimo de lucro, se lles aplique unha bonificación do Imposto de Bens Inmobles". Unha proposta que parte da demanda de diversas Asociacións que xestionan estes Centros Culturais e que ven como un auténtico abuso a cantidades ás que teñen que facer fronte. Como exemplo recollen a situación do Centro Cultural de Cidadelle que, cos efectos retroactivos de catro anos, para de pagar 60 euros anuais a 2.600 dunha soa vez.


Deporte • 19/01/2018

O Choco xoga mañá sábado en Santa Mariña ante o Barco, e o club aproveitará a ocasión para realizar unha homenaxe á traxectoria de Nacho Molinos. O futbolista, que militou 16 anos na entidade choqueira, optou o pasado verán por dar por finalizada a súa etapa no primeiro conxunto do club ós 32 anos.


Política • 18/01/2018

A finais de marzo deixará de estar en funcionamento a tarxeta verde que permite aos usuarios do Vitrasa gozar de rebaixas no billete. Nesa data entrará en vigor a coñecida como passVigo, accesible exclusivamente aos empadroados na cidade. O goberno local dubida de que esas restricións se vaian facer efectivas porque, asegura a súa tenente de alcalde, Carmen Amoedo "Vigo non ten capacidade xurídica para establecer bonificacións no transporte urbano en base ao lugar de empadroamento do usuario". En todo caso, instan ao alcalde vigués, Abel Caballero "a non ser corto de miras" e cumprir o Convenio do transporte Metropolitano.




Novas Anteriores:
primeiraanterior [1] [2] [3] [4] [5]seguinteultima
Buscar:
en radioredondela.com en Google
Axenda

<< Xan 2018 >>
LMMXVSD
1234567
891011121314
15161718192021
22232425262728
293031    

Próximos Eventos...
Venres, 26 de Xaneiro de 2018 - 10:00
Doazón de sangue
Unha unidade móbil do Centro de Transfusións de Galicia estará recollendo doazóns de sangue diante do Concello o venres 26 en horario de mañá de 10:00 a 14.30 e pola tarde de 16.00 a 21.00 horas
Venres, 26 de Xaneiro de 2018 - 18:00
O Lobo bobo
O Multiúsos da Xunqueira acolle o venres 26 ás 18:00 horas unha proposta para o público infantil. O espectáculo o Lobo Bobo. Organiza o Servizo de Normalización Lingüística ao abeiro do programa Apego.
Sábado, 27 de Xaneiro de 2018 - 19:30
Visita guiada polo Cemiterio
O cemiterio dos Eidos será o lugar que protagonice a visita guiada do sábado 27 ás 19:30h. Unha actividade da Concellería de Turismo na que compre inscrición previa no 667 401909. De balde.
Sábado, 27 de Xaneiro de 2018 - 20:00
Teatro afeccionado no Piñeiral
Terceira actuación do Ciclo de teatro afeccionado de Chapela a cargo do grupo de Soutomaior Fonte da Tella quen porá en escena A fermosa Dorotea dirixida por Salvador Álvarez. O sábado 27 ás 20:00h no Mulitúsos do Piñeiral con entrada de balde.
Domingo, 28 de Xaneiro de 2018 - 11:30
Ruta pola Portela
Coñecer a riqueza paisaxística e abiodiversidades desta zona de Redondela é a proposta que nos deixa a visita guiada que se celebra o domingo 28 ás 11:30 horas. Activiades de balde organizada dende Turismo. Inscrición no teléfono 667 401 909.
Domingo, 28 de Xaneiro de 2018 - 19:00
Concerto polo Día da Paz
Músicos do Conservatorio de Redondela celebran o Día escolar da non violencia e a paz cun concerto o domingo 28 ás 19:00 horas. Entrada de balde. Organiza Concellería de Cultura
Mércores, 31 de Xaneiro de 2018 - 23:00
Exposición de retraros
O Multiusos da Xunqueira acolle unha mostra de retratos realizados polo artista Antonio Becerra. Ata o 31 de xaneiro.
Sábado, 3 de Febreiro de 2018 - 20:00
Oito no Mulitúsos de Chapela
A obra Oito do grupo Misturarte Teatro baixo a dirección de Chusa Couñago pecha o ciclo de teatro afeccionado que organizada a Asoicación Cultural e social de Chapela. o sábado 3 ás 20:00 h no Multiúsos do Piñeiral con entrada de balde.
Hoxe na Radio
00:00 - 18 Rodas
00:00 - A Estación
08:30 - Os Titulares do día
09:00 - Arredor de Nos
11:00 - A Estación
13:00 - Cancións para xordos
13:30 - Cerna
14:00 - Informativo
15:00 - Informativo
17:00 - Informativo
17:15 - Cancións para xordos
18:00 - O Viraventos
20:00 - Informativo Galicia