www.radioredondela.com Hoxe é Sábado, 16 de Novembro de 2019


Sociedade • 15/12/2011

Manuel Somoza é todo un clásico en festas e verbenas a onde leva os seus contos humorísticos dende hai 25 anos. Asegura que neste tempo non modificou un ápice o seu estilo e que os únicos cambios redúcense a variar pequenos detalles, como por exemplo cambiar o nome do político de momento ou adaptar o contido do chiste á actualidade da vila na que estea a actuar. O público poderá comprobalo o sábado ás 19:00 horas no Auditorio.


Sociedade • 15/12/2011

A técnica que vén de supervisar en Haití o proxecto impulsado polo Fondo Galego de Cooperación e o Fons Català, Victoria Planas trasladará aos veciños a situación que se vive no país dous anos despois do tremor e explicará cal é o proxecto no que se están a investir os cartos achegados polos municipios galegos, entre eles o de Redondela. A charla será esta tarde ás 19:30 horas no Multiusos do Piñeiral en Chapela.


Política • 15/12/2011

Esquerda Unida organiza o xoves 15 de decembro as 20 horas na Casa da Cultura un foro de debate aberto a todos os veciños baixo o titulo "crise enerxética causas, consecuencias e alternativas". O encargado de conducir a charla será o catedrático de física e química e diplomado en enxeñería ambiental, Angel Culebras.


Deporte • 14/12/2011

As instalacións da piscina municipal acollerán dende o 22 de decembro e ata o 5 de xaneiro un campamento orientado a nenos e nenas de entre 4 e 12 anos de idade. Diariamente e durante catro horas os rapaces participarán de actividades deportivas e obradoiros a un prezo de 59'5 euros.


Sociedade • 14/12/2011

O Servicio de Normalización lingüística en colaboración coa Asociación de Empresarios pon en marcha un concurso para fomentar o uso do galego nos comercios e establecementos de hostalaría da vila. Os gañadores recibirán premios en metálico e publicidade de balde en Radio Redondela. O prazo para inscribirse remata o venres 16 de decembro.




Novas Anteriores:
primeiraanterior [1596] [1597] [1598] [1599] [1600]seguinteultima
Buscar:
en radioredondela.com en Google
Axenda

<< Nov 2019 >>
LMMXVSD
    123
45678910
11121314151617
18192021222324
252627282930 

Próximos Eventos...
Sábado, 16 de Novembro de 2019 - 18:30
Magosto en Cedeira
O centro cultural de Cedeira celebra este sábado día 16 o seu tradicional Magosto a partir das 18.30. A directiva servirá castañas asadas e chourizos acompañados de viño tinto da parroquia. Un acto festivo que contará con amenización musical.
Sábado, 16 de Novembro de 2019 - 20:00
Concerto Tanto nos ten
A Concellería de Cultura continúa co ciclo de musica folk cun concerto este sábado 16 ás 20:00 horas no Auditorio da Xunqueira ás 20:00h a cargo do grupo "Tanto nos Ten". A entrada é de balde.
Luns, 25 de Novembro de 2019 - 12:00
Excursión a Perlim
Pazos de Borbén organiza unha viaxe o 1 de decembro ao parque temático de Nadal de Perlim, situado nas proximidades do Porto. O prazo de inscrición finalizará o 25 deste mes. O prezo da saída é de 33 euros por persoa.
Hoxe na Radio
11:00 - A música da túa vida
12:00 - 18 Rodas
23:00 - Tempo de Jazz