O Porriño, líder da categoría demostrou en Redondela porque ocupan o posto máis alto da táboa e venceu á sar por 26 a 34. Pola súa banda o Magope logrou vencer ao Paraxe por 30-26 nun encontro disputado no campo dos vigueses.
A Sar nada puido facer contra un Porriño intratable que en só trinta minutos deixaba o partido practicamente sentenciado. Boa entrada na bomboneira para ver este encontro que rematou co resultado de 26 goles para a Sar e 34 para os visitantes. Na vindeira semana o equipo redondelán, relegado ao posto decimosegundo da táboa desprázanse a Asturias e visitan o campo do seu inmediato perseguidor, o Oviedo.
Pola súa banda, tampouco o resultado acompañou ao Paraxe Chapela. Encontro disputado no pavillón de Coia e onde a iniciativa partiu en practicamente todo o partido dos xogadores do Magope. De feito, na primeira metade o Magope conseguiu xa unha ampla vantaxe que aínda incrementaría no inicio da segunda parte. O Chapela reaccionou nos minutos finais pero os de Coia souberon manter unha vitoria que deixaba un marcador final de 30-26.
Os de Chapela teñen na vindeira semana unha boa oportunidade para ascender do noveno posto no que se atopan actualmente, xa que xogan na casa onde reciben ao último da categoría, o Cafés Toscaf.
