As xornadas desenvolveranse os días 24 e 25 de febreiro no Multiusos de Arcade. As persoas interesadas en participar deberanse inscribir no Centro de Información á Muller de Soutomaior antes do 22 de febreiro.
Unha actividade que organiza a Concellería da Muller e que está dirixida tanto a profesionais do ámbito sanitario, educativo, xurídico e policial como en xeral a todas aquelas persoas interesadas na igualdade e a violencia de xénero. Ao longo de dúas xornadas pasarán polo multiusos de arcade expertos en cada un dos asuntos a tratar desenvolvéndose varias mesas coloquio que abordarán o ámbito psico sanitario, o educativo, o ámbito xurídico así como o ámbito policial. O obxectivo é analizar integralmente a violencia de xénero, prestando especial atención aos efectos que esta violencia ten sobre a vitima, tanto psicolóxica como fisicamente, pero tamén analizando os avances que nesta materia se teñen producido no ámbito xudicial e policial, onde a día de hoxe hai unha maior concienciación do problema así como maiores medio humanos e materiais para tender ás mulleres que padecen a violencia machista. Prestarase ademais especial atención a cómo este contido ten entrado nos centros educativos, para formar parte tamén das preocupacións do profesorado e da propia secretaría xeral de igualdade coa edición do material “Fíos Violeta: convivir en igualdade”.
O obxectivo das xornadas é analizar íntegramente a violencia de xénero
O sistema de traballo elixido quere promover a participación
