O Multiúsos do Piñeiral acolle este xoves día 1 un espectáculo infantil baixo o título “Como montar a túa banda”. Un conto concerto de Xoán Curiel orientado a nenos de 5 a 10 anos de idade. As prazas son limitadas polo que compre inscrición previa na Biblioteca de Chapela (teléfono 986 45 42 26).
A biblioteca quere celebrar o seu 15 aniversarios tamén neste tempo de distanciamento e máscaras e faino cunha proposta musical a cargo de Xoán Curiel, quen a través do teatro achegará aos cativos todos os pasos para montar unha banda, os distintos instrumentos e estilos musicais coma o rock, pop, funk, reggae, rap… o xoves 1 ás 18:30 horas. No caso de que o tempo o permita a actividade realizarase ao aire libre.
