O Campo de fútbol Municipal Santa Mariña acolleu este domingo o último partido da primeira volta da liga de fútbol Preferente Galicia Sur. O CD Choco enfrontouse ao Antela F.C cun resultado de 1 fronte a 0, a favor dos redondeláns. Suman os tres primeiros puntos do 2024, manténdoos no quinto posto da clasificación xeral e con máis esperanzas de chegar aos postos da cabeza. A seguinte xornada, 14 de xaneiro, será algo máis complicada. Enfróntase aos segundos da clasificatoria, a Sociedade deportiva Portonovo.
Cesantes – Unión Dena
O CD Cesantes rematou a primeira volta con mal pé. Desprazouse ao campo As Cachizas para xogar contra o Unión Dena CF , os primeiros da clasificación, cun resultado de 8 fronte a 0. Nestes momentos están de últimos na táboa, empatados co Figueirido a 12 puntos. O 14 de xaneiro xogan contra o EF Cobres, oitavos na liga.
