A SAR Opmobility logrou imporse na Final Four contra o Seis do Nadal e o Rasoeiro e logra así a clasificación para a Fase de Ascenso que se celebrará a mediados de maio. Dende o club expresan a súa vontade de lograr o pase a Primeira Nacional e voltar á categoría bronce do balonmán estatal.
Manolón, adestrador do sénior masculino ou SAR Opmobility, mostrábase optimista e pon como obxectivo “o ascenso para voltar a unha categoría na que xa estivemos en tempadas pasadas”, polo que saben que a SAR “ten a capacidade para competir a nivel estatal”.
O obxectivo de quedar campións de liga de primeira autonómica non puideron cumprilo quedando de cuartos na táboa xeral con 33 puntos e a so dous do bronce, sen embargo o balance da tempada é positivo para o técnico. Nestes momentos están descansando para comezar 3 semanas de adestramentos e preparar o nivel que esixe unha competición desta categoría.
No caso de ascender a Primeira Nacional, o club tería que reforzar a plantilla de xogadores, como xa fixeron en épocas anteriores, polo salto de calidade de xogo e sobre todo terían que “aumentar o presuposto pola loxística que implican os viaxes a nivel estatal”.
A SAR ten moitas posibilidades de voltar a Primeira Nacional . As datas concretas e os enfrontamentos da fase de ascenso aínda están por definir. Sábese que se celebrarán a mediados de maio. Os equipos clasificados para esta da tempada xogaranse, divididos en seis grupos, as nove prazas que outorgan o ascenso á categoría de bronce do balonmán español.
