O Club de Remo Chapela clasificouse para o Campionato Autonómico nas categorías xuvenil e absoluta feminina, e o C.C.D. Cesantes na xuvenil masculina. Vila de Cangas e Vilaxoán foron os grandes triunfadores da cita. Os do Morrazo anotaron tres vitorias e os anfitrións dúas.
Unha gran festa do remo de banco fixo na súa modalidade máis nova e áxil de catro remeiros e patrón. Tres vitorias, incluídas as categorías de alevíns, masculinos e femininos, para os atletas do club da vila canguesa e dúas para os mozos do club anfitrión e organizador, Vilaxoán. No entanto, as vitorias foron bastante repartidas, pois seis clubs alcanzaron o caixón máis alto do podio, xa que ademais dos do Morrazo e os arousáns, tamén conquistaron unha vitoria Mar de Bueu, Meira, Mecos e S.D. Tirán. Nas finais de onte clasificábanse para tomar parte no Campionato de Galicia do próximo fin de semana en Meira-Moaña os catro primeiros por categoría e hai un amplo abanico de tripulacións pertencentes a doce clubs que van xogar as súas bazas cos equipos do Territorial norte, para conseguir o pasaporte e estar no Campionato de España os días 29 e 30 de abril, en augas do Nervión en Sestao (Biscaia). O club de Remo de Chapela fíxose coa prata na categoría absoluta feminina e o bronce na xuvenil feminina, mentres que o Cesantes acadou a terceira praza na categoría xuvenil masculina, polo que as tres embarcacións se clasifican para a proba autonómica que se disputa a próxima fin de semana.
Resultados: Promesa (F): 1. Vila Cangas, 5.31:33; 2. Vilaxoán, 5.33:71; 3. Tirán, 5.34:09; 4. Robaleira, 5.41:29; 5. Samertolaméu, 5.42:40. Xuvenil (F): 1. Tirán, 11.14:34; 2. Vilaxoán, 11.19:05; 3. Chapela, 11.29:58. A bsoluto (F): 1. Mecos, 11.03:44; 2. Chapela, 11.04:78; 3. Vilaxoán, 11.05:31; 4. Samertolaméu, 11.23:92; 5. Coruxo, 11.43:97. Infantil: 1. Vilaxoán, 5.00:11; 2. Bueu, 5.21:76; 3. Mecos, 5.22:60; 4. Vila Cangas, 5.25:30; 5. Tirán, 5.31:36. Cadete: 1. Vilaxoán, 7.25:55; 2. Samertolaméu, 7.28:67; 3. Mecos, 7.31:79; 4. Robaleira, 7.37:29; 5. Bueu, 7.40:88. Xuvenil: 1. Bueu, 10.00:76; 2. Vilaxoán, 10.10:63; 3. Cesantes, 10.14:43; 4. Samertolaméu, 10.19:13; 5. Tirán, 10.24:73. Sénior: 1. Meira, 9.28:43; 2. Mecos, 9.29:47; 3. Moaña, 9.33:49; 4. Amegrove, 9.34:03; 5. Chapela, 9.38:03.
Regatas Promoción: Alevíns femininos: 1. Vila Cangas, 2.53:51; 2. Vilaxoán, 3.02:35; 3. Samertolaméu, 3.05:56. Alevíns masculinos: 1- Vila Cangas, 2.48:71; 2. Chapela, 2.49:13; 3. Virxe Guía, 3.00:55; 4. Amegrove, 3.09:13.
