O colexio Laredo de Chapela celebrou de maneira adiantada o Día da Poesía, e fíxoo con dúas convidadas de excepción: as escritoras Ledicia Costas e María Reimóndez. As autoras foron as encargadas de inaugurar unhas escaleiras serigrafiadas con poemas creados expresamente para o centro, así como a súa propia “rúa” no recinto escolar. Os actos dirixiunos o orientador do centro, o editor Manuel Bragado, exdirector de Editorial Xerais. As autoras tamén visitaron todas as aulas nas que realizaron actividades cos alumnos e os actos foron retransmitidos en directo por “streaming”.
