O Campionato Galego de Bateis, disputado onte en Bueu, proclamou vencedor ao barco do Club de Remo Chapela na categoría absoluta feminina. Os homes de Samertolameu alzáronse como campións autonómicos na categoría masculina sénior. No Campionato Galego os títulos repartíronse entre seis clubs, con Samertolameu, Mecos, Cabo de Cruz e Rianxo por partida dobre, ademais dos primeiros postos para Chapela e Bueu. Na final absoluta feminina Chapela gañou cun tempo de 9.52.74 con Perillo a 2 segundos, Rianxo en terceiro, Cabo en cuarto, e na quinta praza o segundo batel do club redondelán, Arealonga. Con máis marxe impúxose o batel absoluto masculino de Samertolameu cun tempo de 8.46.55, e case 8 segundos sobre o segundo, Bueu. Ares acabou terceiro en 8.57.11, seguido por Tirán, en 9.04.14 e Mera, en 9.08.52. O C.R. Chapela fíxose tamén co bronce nas categorías masculina e feminina de alevíns, foi prata en cadete masculino, bronce en xuvenil feminino e 4º en xuvenil masculino.
Polo menos os dous primeiros barcos de cada categoría remarán o Campionato de España, que se celebra a próxima fin de semana en Meira, Moaña.
Os seguintes son os resultados do resto de categorías. Alevín Feminina: 1º. Cabo de Cruz (2.34.39), 2.º Cangas (2.41.67), 3º. Chapela (2.42.87), 4º. Ares (2.48.88) e 5º. Poboa (3.23.70). Alevín Masculina: 1º. Cabo (2.26.83), 2º. Samertolameu (2.27.86), 3º. Chapela (2.29.78), 4º. Bueu (2.32.58) e 5º. Mecos (2.38.35). Infantil Fem.: 1º. Samertolameu (5.05.71), 2º Tirán (5.05.97), 3º. Cabo (5.11.53), 4º. Mecos (5.18.56) e 5º. Celeiro (5.19.19). Infantil Masc.: 1º. Rianxo (4.41.35), 2º. Virxe dá Guía (4.49.16), 3º. Poboa (4.50.19), 4º. Ares (4.50.62) e 5º. Tirán (4.51.09). Cadete Fem.: 1º. Mecos (7.38.38), 2º. Rianxo (7.40.44), 3º. Robaleira (7.44.15), 4º. Cabana (7.51.17) e 5º. Muros (8.06.84). Cadete Masc.: 1º. Mecos (6.52.79), 2º Chapela (6.54.19), 3º. Samertolameu (6.55.54), 4º. Vilaxoán (6.58.50) e 5º. Poboa (7.01.22). Xuvenil Fem.: 1º. Rianxo (10.08.01), 2º. Ribeira (10.16.84), 3º. Chapela (10.18.84), 4º. Cabana (10.23.87) e 5º. Cabo (10.53.71). Xuvenil Masc.: 1º. Bueu (9.09.12), 2º. Muros (9.15.42), 3º. Amegrove (9.23.26), 4º Chapela (9.27.84) e 5º. Cabo (9.29.04).
