Terceira División
Choco 0-0 Fabril
Nesta ocasión os de “Gonza” sumaron tan só un punto en Santa Mariña logo do empate sen goles ante o filial do Deportivo. Nos primeiros minutos do partido apenas houbo ocasións claras a excepción de dous tiros de Alberto e Davo. Cunha posesión de balón repartida entre choqueiros e deportivistas, o xogo despregouse sobre todo no centro do campo. Na segunda metade tanto os locais como os visitantes terían ocasión máis claras de gol. Kevin empregouse a fondo baixo os paus no 49 tras dous lanzamentos do Fabril. A resposta do CD Choco chegou no 51, Iano tentou abrir o marcador pero o tiro saíu fóra. Só 6 minutos máis tarde Davo probou sorte pero detivo o disparo o porteiro coruñés. E logo Guille atoparíase coa madeira no minuto 75 sendo esta a ocasión máis clara para os de “Gonza” ata ese momento. Na recta final Comis, no 85, intentaríao cun tiro certeiro á escuadra que despexou Alberto nunha boa intervención. Moitas opcións pero ningún gol, e ao final reparto de puntos en Santa Mariña.
Xuvenil División de Honra
Real Oviedo 3-1 Choco
