O ano pasado o Grupo Casa Paco recolleu 300 quilos de alimentos
Como cada ano, o Grupo Casa Paco pon en marcha por estas datas a súa campaña de recollida de alimentos para Cáritas-Redondela. Todos os que o desexen poden participar depositando alimentos non perecedoiros nos puntos habilitados no multiusos da Xunqueira e no pavillón de Reboreda. No 40º aniversario do club, a directiva fai un chamamento á solidariedade da veciñanza para que colabore coa campaña. O ano pasado conseguiron reunir máis de 300 quilos de produtos, que Cáritas-Redondela se encargou de distribuír entre familias do municipio.
