División Honra Prata Feminino
SAR Rodavigo 24-22 Cañiza
Segundo derbi galego e segunda vitoria para a SAR. As de Verónica Posada sumaron dous novos puntos no marcador tras a súa vitoria fronte ao Balonmán Cañiza. Foi un partido moi igualado onde gañou o equipo que cometeu menos erros. A igualdade instalouse no marcador nos primeiros 30 minutos de xogo, xa que o esquema defensivo visitante impedía ás de Redondela afastarse no electrónico. Ao descanso, 12-10. Na segunda parte, este problema resolveuse en parte polos reaxustes ofensivos expostos por Posada, conseguindo rendas de até 4 goles (22-18, min 53). Cun parcial de 3-0, as da Cañiza foron quen de reducir a vantaxe a tan só un gol, a falta de 4 minutos para a finalización do encontro. No tempo restante, a SAR logrou sumar novos goles para chegar ao final do partido cun 24-22 no marcador. A vitoria achégaas máis ao aobxectivo da permanencia. Máis difícil o terán na próxima xornada, xa que viaxan a Oviedo para medirse ás líderes da categoría.
Primeira Nacional
SAR Plastic Omnium-Carballal, aprazado pola solicitude do equipo visitante, A.D. Carballal Balonmán, debido ás súas baixas ocasionadas polo Covid-19. O próxima partido será en terras ourensás ante o Carnes do Ribeiro
Ampate Lanzarote 38-25 Rodosa Chapela
O Rodosa BM Chapela deu a cara na súa visita a terras canarias ante o Gourmet Ampate Lanzarote. Pero só foron quen de resistir a primeira parte (14-13 no minuto 25). Na segunda metade o conxunto redondelán acusou o desgaste físico logo de mes e medio sen competir e encaixou unha dura derrota. Seguen como pechacancelas e na próxima xornada reciben ao líder, o BM Lalín.
