Foto: Patry Rivas
Partido complicado o que disputaron esta fin de semana os xogadores da Sar, onde o equipo de Redondela logrou facerse cos puntos en xogo tras vencer por 26-24 a o Forbe Reconquista de Vigo. Na primeira parte o encontro estivo moi igualado chegándose ao descanso cun marcador de 13-14. Xa despois do tempo de descanso os vigueses parecían querer escaparse no marcador pero faltoulles efectividade e sería no tramo final do partido cando a SAR estaría máis acertada, logrando a vitoria por 26-24.
O Rodosa, afundido no pozo da táboa volvía sufrir esta fin de semana unha derrota, neste caso ante o Seis do Nadal nun encontro que rematou co resultado de 25-28.
Na vindeira fin de semana a Sar xoga na casa do Calvo Xiria e o Rodosa faino no campo do Carballal.
