As mulleres que estean interesadas en asistir a esta actividade programada dende o CIM de Soutomaior deben inscribirse como data límite o vindeiro luns 5 de setembro. Os obradoiros organizados dende a Concellería da Muller, terán lugar unha vez á semana durante o mes de setembro no Multiúsos de Arcade.
A voz das mulleres, obradoiro de escrita e narrativas (3 h/xornada) arrancará o día mércores 14 e desenvolverase ata o 5 de outubro. Impartirase catro mércores consecutivos en horario de 9:30 A 12:30 h orientado a mulleres maiores de 16 anos. Pola súa banda o obradoiro de igualdade Afetivo-sexual impartirase os xoves 8, 15, 22 e 29 de setembro en horario de 10:30 a 12:30 e o prazo de inscrición no mesmo remata tamén o vindeiro luns día 5.
