O operativo de busca, que se puxera en marcha na tarde de onte tras denunciar a súa filla a desaparición do home, de 77anos de idade, localizou de madrugada o seu cadáver. Foi atopado na beira do río Verdugo entre unhas pedras, a un cen metros augas arriba da Praia fluvial de Ponte Sampaio.
Fora a filla do falecido quen dera a voz de alarma ante a súa desaparición sobre as 17.00 horas de onte luns.
Ademais dos Bombeiros no operativo de procura participaron axentes da Policía Nacional e da Local e voluntarios de Protección Civil de Pontevedra e de Soutomaior, quen durante toda a tarde noite de onte estiveron repasando a ribeira do río Verdugo, onde finalmente sería localizado o corpo.
