O equipo que dirixe Vero Posada na división de honra prata feminina e que nas últimas semanas sufriu baixas importantes, non deixa de pelexar. Fronte a un equipo que loita polo Play-off a Sar fíxose coa vitoria cunha intensa defensa que cortou o ataque do Valladolid. Pola contra, a Sare Plastic Omnium regresou de Ribadavia sen puntar.
Hand Vall Valladolid 27 – SAR Rodavigo 29
As xogadoras da SAR arrancaron con forza e en apenas 10 minutos xa tiñan conseguido unha pequena vantaxe sobre as rivais. Con todo as locais souberon reaccionar e incluso chegaron a porse por diante chegando ao descanso cun apertado 15-14 no marcador.
Na segunda parte matívose a alternancia no marcador, pero aos dez minutos do final o equipo da SAR foi quen de manter a vantaxa ata a vitoria final por 27-29. Na vindeira semana reciben nba bomboneira ao Fuentes Carrionas.
Balonmán Ribeiro Rodosa 29 – SAR Plastic Omnium 20
Na primeira nacional a SAR regresou de Ribadavia de baleiro. Malia un inico moi igualado a partir do minuto dez o Balonmán Ribeiros comezou a colle vantaxa chegándose ao descanso cun 15-9 a favor dos locais. Na segunda metade, os de Redodnela non eran quen de superar a defensa chegándose ao final cun 29-20.
A Sar teno ademais moi complicado de cara a vindeira fin de semana xa que, malia xogar na casa, recibe ao líder da Primeira Nacional, o Ampate Lanzarote.
