A Asociación Deportiva e Cultural de Rande celebra este sábado 22 de xullo a xornada que estaba prevista para a pasada fin de semana pero que foi adiada polo mal tempo. Un día para gozar en familia de diferentes actividades acuáticas para facer deporte pero, sobre todo, para se divertir.
As boas previsións meteorolóxicas de cara a mañá garanten a celebración dunha cita cultural e deportiva na que as persoas participantes poderán practicar diferentes deportes náuticos como Kaiak, padel surf, padel surf xigante e banana nas inmediacións do Meirande dentro da IX edición desta xornadas que arrancará xa as 12 do mediodía e continuarán pola tarde.
Ademais, para repoñer forzas venderanse bocadillos variados e chouripán. As persoas interesadas deben chamar ao teléfono 670810491 para reservar praza nalgunha das actividades que teñen un prezo de entre 10 e 15 euros por persoa.
