Foto: Patri Rivas
SAR Rodavigo 31-32 Santa Cruz de Tenerife
O equipo da división de honra prata Feminina de Redondela recibían esta fin de semana a un dos seus rivais directos na táboa clasificatoria, o BM Santa Cruz de Tenerife. As canarias arrancaron ben cun marcador ao seu favor nos dez primeiros minutos de partido que as choqueiras foron quen de igualar e incluso chegar cunha mínima vantaxe ao tempo de descanso (17-16, min 30).
A segunda parte foi de alternancia no marcador ata chegar ao remate do partido co definitivo 31-32 a favor das visitantes.
Xornada de descanso na vindeira fin de semana. A liga regresa o primeiro sábado de decembro cando as de Redondela se despracen a pista do Lanzarote Puerto del Carmen. A SAR Rodavigo son agora sétimas na clasificación mentres que as súas rivais están situadas na segunda praza do grupo.
Primeira Autonómica
SAR Plastic Omnium 29 – Luceros B 25
Si logrou a vitoria o equipo masculino que se impuxo claramente ao Luceros nun partido disputado na bomboneira. Unha vitoria por 29-25 que mantén ao equipo de Manolo Fernández na parte alta da táboa, son segundos a tan só un punto do líder.
Poio Artai 33-29 Balonmán Chapela
O Chapela non foi quen de vencer ao Poio Artai, equipo que se mantén invicto na cabeza da clasificación. Con tan so 4 puntos o Chapela sitúase na parte baixa da táboa.
A próxima xornada deixaranos un interesante derbi no Pavillón Municipal Manuel González Soto con ese encontro entre Chapela e SAR.
