Dúas actividades para esta semana que se van desenvolver na biblioteca de Redondela da man da Fundación Filomena Rivero Alonso o xoves 30 ás 18:00 horas e na biblioteca de Chapela enmarcada na programación do 25N do Concello de Redondela o venres día 1.
Co gallo de reivindicar o día contra a violencia machistas a Biblioteca de Chapela acolle este venres ás 18:30 horas o espectáculo “Sen medo”, da compañía Trécola Teatro orientado a nenos e nenas a partir dos 3 anos.
Previamente, este mesmo xoves ás 18:00 horas, desenvolverase o último contacontos do programa “Tardes de Outono. Contos en familia”, organizado pola Fundación Filomena Rivero Alonso, na Biblioteca de Redondela. Nesta ocasión contarase coa presenza de Bea Campos e o seu espectáculo de narración oral , A nena e os tres osos, orientado a crianzas de 1 a 3 anos.
A actividade tamén é de balde pero é necesaria a inscrición previa a través do correo electrónico: info@tallerabierto.gal ou no whatsapp 617340323.
