Un topógrafo de Salvaterra de 27 anos de idade falece arrolado por un camión nun accidente laboral que se producía minutos antes das dúas da tarde
Os feitos producíanse ás 13:55 horas do mércores no interior do túnel da Xesteira de 700 metros de lonxitude que a empresa Comsa está escavando en Soutomaior. O mozo atopábase no interior do túnel cando un camión que traballaba nas obras deu marcha atrás e esmagou ao traballador contra a parede.
O operario foi retirado do túnel pola propia ambulancia da obra e a pesar dos intentos por reanimalo ingresou xa cadáver no hospital.
As obras en execución do túnel foron paralizadas mentres se investigan as causas do sinistro, un caso que lle corresponde ao Xulgado número 2 de Redondela.
