Novos folgos para os de Chapela que na vindeira semana deberán defender a súa primeira posición nun encontro en Asturias contra o seu máximo rival, o Base Oviedo que ven de gañar a SAR
Vitoria cómoda do Canario Catering xa que dende o primeiro momento se fixeron co marcador e por tanto co partido. Un encontro que rematou co resultado de 39 tantos para os de Chapela e 31 para o equipo Cafés Toscaf, que non foi quen de plantar cara ao líder da clasificación.
O Canario defenderá esa cómoda posición na vindeira xornada nun encontro de máxima rivalidade. Enfróntase con seu inmediato perseguidor, o Base Oviedo equipo que está empatado a puntos cos de Chapela e que contará coa vantaxe de xogar na casa.
Peguform SAR
Peor sorte correu a Peguform Sar equipo que comezou con bo xogo e bo resultado pero que na última parte do partido non conseguiu superar ao equipo anfitrión, precisamente os rivais directos do Chapela, o Base Oviedo. Con todo, un bo resultado 31 tantos a 28 nun partido que se sabía difícil para os redondeláns xa que xogaban na casa dun dos equipos fortes da categoría
A Sar recibirá na próxima xornada ao Cisne, encontro que se disputará na Bomboneira.
