Axentes da Policía Nacional lograron recuperar o turismo na rúa Ramón Nieto de Vigo. O detido J.M.G, de 39 anos de idade, conta con 68 detencións e pasou xa a disposición do xulgado de instrucción número 2 de Redondela
O mozo foi detido na xornada de onte como presunto autor dun delicto de roubo dun vehículo. Os feitos tiveron lugar o 26 de xaneiro pasado cando axentes da Policía nacional localizaron un vehículo Ford Escord detido nun semáforo sen condutor no seu interior. Logo de realizar as xestións pertinentes comprobouse que o turismo fora subtraído pouco antes da rúa Ernestina Otero.
As investigacións permitiron dar coa identidade do autor do roubo, un individuo con sesenta e oito detencións anteriores, a maioría por delictos contra a propiedade, polo que se estableceu un operativo policial que finalizou onte pola mañá coa localización e detención desta persoa, J.M.G. de 39 anos de idade, cando se atopaba en Redondela, localidade na que reside.