O Pavillón Municipal de Deportes acollerá os vindeiros días 1, 2 e 3 de abril o XXIX Maratón de Fútbol Sala Concello de Redondela, que se disputara na categoría sénior masculino.
Como xa é habitual na Semana Santa redondelá, dende o Xoves Santo daranse cita no pavillón do municipio moitos dos mellores equipos de fútbol sala da provincia para disputar este clásico do fútbol.
O maratón, que se xogará de xeito ininterrompido dende as 16.00 horas do xoves 1 de abril ata a madrugada do sábado ao domingo, está organizado polo Club Redondela Fútbol Sala en colaboración coa concellería de Deportes e patrocinado por Umbro, a cafetería Aifos e Amoedos Rotulación.
Ao finalizar o torneo, no que está prevista a participación de numerosos equipos de toda a provincia, entregaranse trofeos aos catro primeiros clasificados, ao equipo menos goleado, á deportividade, ao mellor xogador e ao máximo goleador.
