Centos de persoas gozaron esta fin de semana en Redondela da maxia dos monicreques. Tanto os espectáculos do Auditorio da Xunqueira, como as múltiples funcións que se puideron ver nas rúas e prazas, contaron co favor do público.
Público de todas as idades ateigou esta fin de semana Redondela para presenciar o 11º Festival Internacional de Títeres. As altas temperaturas non puideron cos monicreques, que foron os protagonistas das múltiples funcións que se representaron tanto no Auditorio do Multiusos da Xunqueira, como nas rúas e prazas de Redondela, así como na Alameda. Ambiente de festa na vila, que se completou coa animación das charangas e actividades paralelas como o obradoiro de construcción de títeres para nenos e os xogos na Pista da Xunqueira.
