Os feitos tiveron lugar a última hora de onte polo que as alfombras puideron ser confeccionadas novamente. O home foi detido pola Policía Nacional como presunto autor dun delito de resistencia e desobediencia á autoridade logo de tentar agredir aos axentes
Axentes da Policía Nacional de Redondela detiveron de madrugada a E.O.C.A., de cincuenta anos de idade e de nacionalidade ecuatoriana como presunto autor dun delito de resistencia e desobediencia.
Os feitos tiveron lugar a última hora de onte na rúa Alfonso XII logo de que varias chamadas alertaran sobre un individuo que estaba a desfacer as alfombras florais que se realizaban na rúa. Axentes da policía acudiron ao lugar e trataron de identificar a este individuo quen se negou reiteradamente insultando e ameazando aos axentes, aos que empurrou e tentou golpear, polo que os policías procederon á súa detención e traslado á comisaría.
O detido carece de antecedentes policiais.
