O goberno local investirá 54.000 euros nunha fonte luminosa con forma de pirámide triangular de seis metros de alto por dous metros de lado na súa base, que inmortalizará a danza das espadas.
O escultor Acislo Manzano, autor das dúas esculturas que inmortalizan á danza das penlas na Praza da Constitución, será o encargado de cambiar a imaxe que actualmente presenta a praza de Ribadavia. Unha praza que deberá esquecer o popular nome de praza da Farola, xa que este elemento vai ser substituido por unha fonte luminosa en forma de pirámide triangular. Unha escultura que se elevará dende o chan a mais de seis metros de altura e que pretende simbolizar un dos elementos máis característicos das nosas tradicións: a danza das espadas. Unha obra que será financiada con 54.000 euros e que dende o goberno local esperan ter rematada antes das elección municipais de maio.
A escultura terá unha altura de 6 metros
