O alcalde de Redondela asegura que a denuncia do PSOE ante a Xunta Electoral e que levou a este organismo a incoar un expediente sancionador contra o rexedor local e o presidente da Autoridade Portuaria, Ignacio López Chaves baséase en afirmación falsas. Argumentan que en ningún caso se visitaron “obras construídas e outros proxectos pendentes de construcción ou da súa terminación” tal e como se recolle na denuncia.
Por este motivo Bas presentará unha alegación co obxectivo de demostrar que non cometeu ningunha infracción contra a Lei Electoral cando visitou a coñecida como “fábrica do Alemán” no litoral de Rande e confía en quedar exculpado. No caso contrario tería que facer fronte a unha sanción económica que podería chegar aos 3.000 euros. Para demostrar a súa inocencia o alcalde de Redondela bota man dos feiros e lembra que a visita feita o pasado 8 de novembro aos terreos do futuro Museo de Rande en ningún caso se fixo para “publicitar os logros obtidos durante o mandato” do PP en Redondela xa que alí, e tal e como puntualizaba o voceiro do PP “non hai ningunha obra que inaugurar ou que estea en fase de construcción”. O edil entende que a denuncia presentada polo PSOE vigués ante a Xunta electoral de zona está baseada “nun absurdo”.
Feitos falsos que non sustentan a acusación
